Arkivi Qendror Teknik I Ndërtimit disponon dokumentat teknike të të gjitha blloqeve të banimit në Tirane të ndertuara para viteve 90. Në nivele te ndryshme për secilin projekt Arkivi posedon projektet teknike, relacionet, fotografi nga fazat e ndertimit te tyre. Ashtu, në raftet e arkivit, projektet e blloqeve një nga një janë vetëm një seri dosjesh te cilat përshkruajnë projektin e bllokut, por jo bllokun si pjesë e qytetit. Projekti pilot I sistematizimit të disa prej blloqeve në një trajektore kohore lineare sipas viteve të zbatimit, duke u bazuar në grafikët e prodhuar nga vetë Instituti I Projektimeve i asaj kohe, i lidh këto projekte si në kohë ashtu dhe në hapësire, duke u bazuar tek llogjika e vetë profesionistëve dhe autorëve të këtyre blloqeve. Të organizuara kronologjikisht, projektet e blloqeve janë shoqëruar nga mendime te shprehura nga profesionistë të cilet ishin pjesmarres apo dëshmimtare, apo edhe autorë/e, të këtyre blloqeve. Ky projekt pilot është vetëm një tjetër hap drejt një tabloje më të gjerë arkivore te historisë të blloqeve urbane në Tiranë dhe nëpërmjet tyre, të historisë të një shtrese të rëndesishme të pëlhurës urbane të qytetit, të identitit të tij, dhe të historisë te tij të ndërtuar. Shpresojmë që duke e ndare kete projekt PDF online, në website-in e arkivit të marrim sa me shume reagime dhe sugjerime nga audienca e gjere per te ardhmen e tyre. Falenderoj ark Gjergj Bakallbashi dhe GIZ per mbeshtetjen qe i ofroi atij per te na asistuar me hedhjen e ketij hapi

---

---

You need to Log In to comment this post!