Historia e treguar ne kete kapitull ndihmon te kuptojme ngjarjet dhe shenjat kryesore te territorit, qe kane shenuar fillesat e vendbanimit, si edhe momentet kyce ne zhvillimin e qytetit, e qe e vendosin Saranden ne vazhdimesine e lidhjeve hapesire-kohe. Keshtu, historia e Sarandes dhe territorit perreth saj eshte treguar ne funksion te qellimit te ketij libri, pa pretenduar te jete nje histori e detajuar e qytetit. Momentet kyce te historise ndjekin emrat e ndryshem qe ka marre qyteti ne raport me ngjarjet kryesore te lidhura me to. Materiali ne vijim i referohet kryesisht dokumenteve te shkruara nga Hodges (2007, 2011), Ceka (2002, 2006), si edhe autoreve te tjere, te cituar ne tekst. Emri i pare i Sarandes, Onchesmos, sipas Hodges (2007, f. 12) vjen nga trojani Anchises, nga bashkimi i te cilit me perendeshen Aphrodite, ne malin Ida, lindi Aeneas. Ky i fundit, sipas tregimeve, iku nga Troja gjate udhetimit te refugjateve Trojane drejt Mesdheut Qendror me djalin e tij Ascanius-in duke mbajtur mbi shpine babane, Anchises-in, e plagosur. Kjo skene shfaqet edhe ne shume imazhe artistike (fig. 1.1). Dionysius-i i Halicarnasus-it (1.51.1-2, te Hodges 2007, f. 12-13) e quan Onchesmos-in portin e Anchises-it dhe tregon se si trojanet, duke lundruar nga Buthrotum-i pergjate bregut, arriten ne nje vend qe quhej porti i Anchises-it dhe aty i dedikuan nje tempull Aphrodite-s. Emri Onchesmus permendet edhe nga autore te tjere, si Cicero ne korrespondencen e tij me Titus Pomponi us Atticus (Letters to Atticus 7 .2.1, te Hodges 2007, f. 13); dhe Strabo ne Gjeografine e tij (7.7.5, te Hodges 2007, f. 13) te shkruar ne periudhen Augustan-e, duke nenkuptuar se ishte nje port me akses te Phoenice. Po ashtu, edhe sipas Cekes (2002 f. 14), Onkezmi permendet per here te pare nga Straboni ne shek. I, BC, kur sherbente si skele e Foinikes (fig. 1.2).

---

---

You need to Log In to comment this post!